Халықаралық отбасы күні мерекесінде Наурызбай аудандық Отбасыларды әлеуметтік қолдау орталығы "Отбасы - бақыт мекені" атты байқау өткізді. Сайыс түрінде ұйымдастырылған іс-шараға көпбалалы және өнерлі отбасылар қатысты.
Бәсекеге орталықтың сыйлы аналары Аманжолова Еңлік пен үздік тәрбиеші Омарова Нұрсұлу қазылық етті. Ал орталықта қызмет ететін Смайылова Динара, Тілекеева Бану, Әбжаппарова Жазира және Балтахаева Айша сынды аналар болса, өз отбасыларымен қатысып, өзара бақ сынады.
Сайыс "таныстыру", "отбасылық өнер", "мақал-мәтел" және «спорттық сайыс» пен "отбасы дәмі" сынды бес бөлімнен тұрды. Додада Тілекеева Банудың отбасы оқ бойы озық шығып, бас жүлдені иеленді.
Додаға қатысқан өзге отбасылар да құр алақан қалған жоқ. Олар да "Өнерлі отбасы", "Шығармашыл отбасы" және "Спорттық отбасы" номинациялары бойынша марапатталды. Сайысқа қатысқан барлық отбасыларға арнайы дипломдар мен бағалы сыйлықтар табысталды