Өткен тәулікте қалада коронавирустық инфекцияның 38 жағдайы тіркелді
Оның ішінде 37 жағдайда ауру белгілері байқалса, біреуі - симптомсыз. 17 адам емделіп шықты, 15 адам ауруханаға түскен. Бұл туралы Алматы қаласының Қоғамдық денсаулық сақтау басқармасы мәлімдеді, деп хабарлайды Almaty-akshamy.kz
Барлығы инфекциялық стационарларда (1 434 төсек) 185 адам (7 бала) емделіп жатыр.
ӨЖЖ аппаратына-10, инвазивті емес ӨЖЖ аппаратына – 11, High flow-1 аппарат жұмыс істейді.
Бүгінгі күні үйде БМСК және телемедицина орталығының мобильді бригадаларының бақылауында 337 пациент бар, олардың 333-інің ауру белгілері байқалады, жеңіл және орташа дәрежесі бар, симптомсыз науқастар саны – 4.
15.12.2021 ж. жағдай бойынша вакцинация туралы ақпарат
Өткен тәулікте бірінші компонентпен – 1 277 адам, екінші компонентпен – 2 063 адам вакцинацияланды.
01.02.2021-14.12.2021 жылдар аралығындағы барлық кезеңде барлығы 1 057 833 адам I компонетті алса, 992 055 адам II компонентпен вакцинацияланды.
Екпе салдырғандардың жалпы санынан 60 жастан асқандар саны 122 922 адамды құрайды.
Бүгінгі таңда Pfizer (Comirnaty) компаниясы 22 411 адамды вакциналады, оның ішінде жүкті 1 300, бала емізетін 4 501 ана және 16 610 балалар мен жасөспірімдер бар.
Қалада медициналық ұйымдарда, мектептерде, мәдениет, спорт объектілерінде, базарларда және қаланың СОО-да 132 вакциналау пункті жұмыс істейді (250-ге дейін ұлғайту мүмкіндігімен). 756 адамнан тұратын 201 егу бригадасы жұмылдырылған.