Екі мың өтініш берген арудың ішінен 20 қатысушы ғана финалға өтті. Ал 5 желтоқсанда бас жүлдені жеңіп алған қыздардың есімдері белгілі болды.
5 желтоқсанда сағат 19:00-де Алматыдағы Queen мейрамханасында жылдың көптен күткен іс-шараларының бірі – «Miss Qazaqstan-2024» ұлттық сұлулық байқауы гранд-финалдың қонақтары үшін қызыл кілеммен жүріп өтуден басталды.
Ал тура бір сағаттан кейін әншілер өнер көрсетіп, қыздардың түрлі көріністерімен жарқын шоу-бағдарламасы болды.
2024 жылы Miss Qazaqstan ұраны өзгеріп, The Art Of Being A Woman «Әйел болу өнері» атты жаңа концепциясын жария етті.
Бұл Қазақстандағы сұлулық байқауы қызметтің барлық салаларындағы әйелдерді қолдауға арналған кең алаңға айналып келе жатқанын, ал байқаудың өзі енді тек қатысушылардың сыртқы келбетін бағалап қоймайтынын көрсетеді. Сондай-ақ қатысушылардың әлеуметтік белсенді болуы, қоғамдық жұмыстарға қатысуы, ерікті болуы, интеллектуалдық дағдыларын жетілдіріп, ой-өрісін кеңейтуі маңызды.«Miss Qazaqstan» сұлу әйелдердің де түрлі салада дамып, маңызды істермен айналыса алатынын көрсетуге тырысады.
Финалға қатысушылардың Glyptiss спорттық костюмдері және Merhat-тың сәнді әшекейлері әр берген кешкі көйлектермен бірнеше сән көрсетілімінен кейін қазылар алқасы талқылауға кетті, кейін көптен күткен байқау нәтижесімен оралды. Осыдан кейін марапаттау рәсімі өтті.
Айдана Абылқасова «Vice Miss Qazaqstan-2024» атағының иегері атанды.
Ал Томирис Қадырхан («Miss Earth Qazaqstan-2024»), Дана Алмасова («Miss Universe Qazaqstan-2024») және Бағым Балтабаева («Miss World Qazaqstan-2024») атанып, халықаралық аренада ел намысын қорғайды. Көрермендердің дауыс беру нәтижелері бойынша аты «Miss People’s Choice» номинациясын жеңіп алды.
Еліміздің түкпір-түкпіріндегі қыз-келіншектердің дамуы мен қолдауының ауқымды алаңына айналған ұлттық сұлулық байқауының гранд-финалы – жаңа маусымының лайықты деңгейде аяқталуы болды.