Мемлекет басшысы Қасым-Жомарт Тоқаев Астана халықаралық форумында соғыстар мен қақтығыстар идеологиясын тоқтату керектігін айтты, деп хабарлайды Almaty-akshamy.kz.
«Адамдардың әл-ауқатына әсер ететін проблемалардың түп-тамырын анықтауымыз керек. Шын мәнінде, әлем бойынша қарапайым адамдардың өмірі күрделене түсті және біз мұны мойындауымыз керек. Екіншіден, тек тақырыптарға қараудың қажеті жоқ, біз тереңінен қарастыруымыз тиіс. Ортақ мәселелерді бірге талқылап, оның шешімін табуымыз керек. Менің көзқарасым бойынша диалог, пікір алмасу және ашықтық басым болғаны жөн. Соғыстар мен қақтығыстар идеологиясын тоқтату керек», - деді Қасым-Жомарт Тоқаев Астана халықаралық форумында модератордың сауалына жауап бере тұрып.