ҚР Ішкі істер министрлігі Қызылордада 16 жасар оқушыны жезөкшелікке мәжбүрлеу туралы қылмыстық істі тергеу барысын түсіндірді
ҚР Ішкі істер министрлігі Қызылорда облысы полиция департаментінің тергеу басқармасы 16 жасар кәмелетке толмағанды жезөкшелікпен айналысуға мәжбүрлеу фактісі бойынша Қылмыстық кодекстің 134-бабының 3-бөлігі бойынша тергеу жүргізіп жатқанын хабарлады.
Сонымен қатар, осы қылмыстық іс шеңберінде бірнеше бап бойынша тергеу жүргізілуде, оның ішінде:
- Жезөкшелікпен айналысуға арналған притон ұйымдастыру және жеңгетайлық (309-бабы 2-бөлігі);
- Бопсалау (194-бабы 2-бөлігі);
- Есірткі құралдарын, психотроптық заттарды, олардың аналогтарын қолдануға көндіру (299-бабы 3-бөлігі);
- Азаптау (110-бабы 1-бөлігі);
- Кәмелетке толмаған баланы тәрбиелеу жөніндегі міндеттерді орындамау (140-бабы 1-бөлігі).
Осы фактілер бойынша сегіз күдіктіге қатысты сот «қамауда ұстау» түріндегі бұлтартпау шарасын таңдады, ал бір күдікті үйқамаққа алынды.
Бұдан басқа, осы оқиғаға байланысты жүргізілген қызметтік тергеу нәтижесінде Қызылорда облысы ПД-ның бірқатар қызметкерлері қатаң тәртіптік жауапкершілікке тартылды.