Денсаулық министрлігі жыл сайынғы медициналық тексерудің қорытындысы осындай дейді.
Айта кету керек, мектеп жасындағы балалар министрліктің 2020 жылғы бұйрығына сәйкес профилактикалық медициналық қарап-тексерулерден өтеді. Мәселен, Салидат Қайырбекова атындағы денсаулық сақтауды дамытудың ұлттық ғылыми орталығының жедел ақпаратына сәйкес, былтыр профилактикалық медициналық қарап-тексерулерден 5 жарым миллионна астам бала өтті. Бұл жылдық жоспардың 92,1% екен.
Нәтижесінде, ең көп кездескені – ас қорыту жүйесіндегі аурулар, одан кейінгі орында қан аурулары болса, үшінші орында тыныс алу жүйесіндегі аурулар тұр. Ал, осы жылдың бірінші жарты жылдығының қорытындысы бойынша жылдық жоспардағы балалардың 52 пайызы тексерілді.