«Заң мен Тәртіп» әлеуметтік жобасын іске асыру аясында Алматы қаласы Ішкі саясат басқармасының Қоғамдық даму орталығы Қазақстан Республикасы Ішкі істер министрлігінің Мақан Есболатов атындағы Алматы академиясының Музейіне танымдық экскурсия ұйымдастырды, – деп хабарлайды aqshamnews.kz тілшісі.
Оған №40 жалпы білім беретін мектептің оқушылары қатысып, Академияның құрылу тарихымен, сондай-ақ оның түлектері - Ұлы Отан соғысының ардагерлері мен тыл еңбеккерлерінің өмірі және ерліктерімен танысуға бірегей мүмкіндік алды. Музейдің әрбір жәдігері уақыт рухы мен адамдардың тағдырын бейнелейтін ерекше тарихты ұғындырады.
Мұндай іс-шаралар өскелең ұрпақтың өз елінің тарихына деген қызығушылығын оятуда, танымдық қабілеттерін дамытуда, жастар арасында заңға құрмет пен құқықтық сананы қалыптастыруда маңызды рөл атқарады.
Жеткізуші: «Жауһар» ұлттық дәстүрді қолдау қоры» Қоғамдық қоры.