Алматы қаласында «Оқуға құштар ұлттың қайта жаңғыруы» тақырыбында VI халықаралық ғылыми-практикалық конференция өтті, деп хабарлайды aqshamnews.kz
Конференция Қазақстан Республикасы Мәдениет және ақпарат министрлігінің қолдауымен, ЮНЕСКО қамқорлығындағы Халықаралық мәдениеттерді жақындастыру орталығы, ТҮРІКСОЙ Жазушылар одағы және М. Әуезов атындағы Әдебиет және өнер институтының бірлескен ұйымдастыруымен жүзеге асырылды.
Іс-шара аясында оқуға құштарлық пен ұлттың мәдени дамуындағы оқудың рөлі талқыланып, еліміздің әдебиеті мен өнеріне қатысты маңызды мәселелер қарастырылды. Жиынға қатысушыларға оқудың қоғамдағы орны мен мәдениетаралық диалогты нығайту, әдебиеттің рөлі туралы терең ойлар айтылды.
Конференция ғылым мен мәдениетті біріктіруге арналған маңызды алаң болып, халықаралық деңгейде танылған сарапшылар мен зиялы қауым өкілдері пікір алмасты.