Оңтүстік Кореяның оппозиция жетекшісі Ли Чжэ Мёнге оңтүстік-шығыстағы Пусан қаласына сапары кезінде белгісіз біреу шабуыл жасап, жарақаттады, деп хабарлайды аlmaty-akshamy.kz.
Пусанның төтенше жағдайлар қызметінің хабарлауынша, Ли қаладағы жаңа әуежайдың құрылыс алаңын аралау кезінде шабуылға ұшыраған. Хабарламада негізгі оппозициялық Демократиялық партияның басшысы Лидің есін жиғанымен, оның нақты жағдайы белгісіз екені айтылған.
Оңтүстік кореялық БАҚ куәгерлерге сілтеме жасап, ер адам Лидің мойнына пышақ сұққанын хабарлады. Телеранада көрсетілген видеода Лидің жерде жатқаны, біреу қанды тоқтату үшін оның мойнына орамалын басып жатқаны көрсетіледі. Полицейлер ер адамды оқиға орнында ұстады. Олардың айтуынша, шабуыл жасаған адамның басында тәжге ұқсас нәрсе болған.
Бейнеде зорлық-зомбылық көріністері бар. Ол ерекше әсерлі адамдарға, балаларға және жүкті әйелдерге көруге арналмаған.
Бұған дейін "Оскар" жүлдесін алған "Паразит" фильміндегі рөлі арқылы танымал оңтүстіккореялық 48 жастағы актер Ли Сон Гён Сеулдегі саябақта өлі күйінде табылғаны белгілі болды.