Бұл туралы қала басшысы Ерболат Досаев мәлімдеді, деп хабарлайды Аlmaty-akshamy.kz.
Маусым айында инженерлік желілерді модернизациялау бойынша 2 ірі жобаны бастауды жоспарланып отыр.
Біріншісі – “Кемел шағынауданында ұзындығы 75,6 шақырым 33 көшеде сумен қамту (79,5 км) және су бұру желілерін салу.
Екіншісі – ауданның 68 көшесінде 25,6 шақырым сумен қамту желілерін реконструкциялау және 72 шақырым су бұру желілерін салу.
Бүгінгі таңда мердігер ұйымдар анықталды. Құрылыс-монтаждау жұмыстары маусым айында басталып, 2024 жылдың II тоқсанында аяқталады. Бұл жобалар ауданның 10 мыңнан астам абонентін сапалы сумен және канализациямен қамтамасыз етуге мүмкіндік береді.
Көше жарығын модернизациялау шеңберінде биыл ұзындығы 11 шақырым болатын, жартылай жарық орнатылған 101 көшеде жұмыс жүргізу жоспарлануда. Ұзындығы 52 шақырым болатын тағы 42 көшеге жобалау-сметалық құжаттама әзірленеді.