Бұл референдумның нәтижесі Қазақстанның болашақтағы даму бағытын анықтайды және еліміздің энергетикалық тәуелсіздігін қамтамасыз ету жолындағы маңызды шешім болмақ.
Атом электр стансасын салу тек тұрақты энергия көзімен қамтамасыз ету ғана емес, сонымен қатар сабақтас салаларды дамытудың күшті драйвері болып табылады.
Атом энергетикасы заманауи технологияларды, құрылыс, ғылым және білім беру салаларын дамытуға үлкен мүмкіндік береді. Бұл тек энергетикадағы маңызды қадам ғана емес, еліміздегі өндіріс, инновация және зерттеулерді ілгерілетудің де кілті. Еліміздің экономикалық тұрақтылығы мен энергияға деген сұранысын қанағаттандыру жолында атом электр станциясы шешуші рөл атқаратын болады.
Бұл біздің елімізді тек энергетикалық тұрғыдан ғана емес, жалпы экономикалық және әлеуметтік даму жағынан да нығайтады. АЭС салу жобасы Қазақстанның энергетикалық қауіпсіздігін қамтамасыз етіп қана қоймай, жас ұрпақ үшін жаңа мүмкіндіктер ашатын қадам.
Әрбір қазақстандықтың дауысы маңызды. Бұл тек энергетика саласындағы шешім ғана емес, еліміздің болашағына қатысты үлкен жауапкершілік.