10 шілдеде жауын-шашынның мол түсуіне байланысты әл-Фараби даңғылындағы "Есентай-Молл" СОО маңында локальді жаңбыр суының жиналуы орын алды. Бұл жерге Бостандық ауданы әкімдігінің мердігер ұйымы және "Алматы су" коммуналдық қызметінің техникасы, Алматы ТЖД сорғы станциясы жіберілді. Сағат 21:30-дағы жағдай бойынша суды сору аяқталып қалды, деп хабарлайды аlmaty-akshamy.kz
Сонымен қатар, Жәңгір хан көшесі бойындағы Ерменсай шағын ауданында Алматы қаласы әкімдігінің құтқару қызметінің арнайы техникасы алдын ала жіберіліп, стационарлық сорғылар дайындыққа келтірілді. Жауын-шашын салдарынан судың локальді жиналуы орын алды. Бұл жерде Алматы қаласы әкімдігінің құтқару қызметінің, Бостандық ауданының мердігер ұйымы "Стам Сервис" ЖШС күштері жұмыс істейді, олар "Илосос" арнайы техникасының, сондай-ақ екі стационарлық сорғының көмегімен су соруды жүргізеді.
10 шілдеде сағат 18:00-ден бастап Алматы қаласында жаңбыр жауа бастады, ол сағат 22:00-ге дейін, жауады деп болжануда, деңгейі 7 мм-ге дейін.
Жаңбыр жауа бастағаннан бері су тасқынының алдын алу және жою және судың кедергісіз өтуін қамтамасыз ету үшін мотопомпалармен, багрлермен және басқа да шанц құралдарымен жабдықталған 42 жедел мобильді бригаданың кезекшілігі ұйымдастырылды. 1,6 мың қап құм дайындалды.
Түнгі кезеңде 316 бірлік техника, 28 мотопомпалар және 323 жол жұмысшылары жұмылдырылды.
Аудан әкімдіктерінде жұмыс өндірісін бақылау бойынша тәулік бойы кезекшілік ұйымдастырылды.
"Қазгидромет" РМК болжамы бойынша бүгін 10 шілдеде кешкі кезеңде найзағай болып, жаңбыр жауады. Түнде ауа температурасы +18...+20°C, ертең түстен кейін +29...+31 және күндіз өткінші жаңбыр жауады деп күтілуде.