Қол алысудан бас тарту, гигиенаның негізгі ережелерін сақтау, бөлмелерді желдетіп тұру сияқты негізгі ұсыныстар қолданыста болады
Нидерланды басшылығы 25 ақпаннан бастап барлық коронавирустық шектеулерді алып тастауды жоспарлап отыр, деп хабарлайды Almaty-akshamy.kz COVID-19 таралуына жол бермеу жөніндегі ВАК сілтеме жасап.
18 ақпаннан бастап кафелер, барлар мен мейрамханалардың, сондай-ақ мәдени және ойын-сауық мекемелерінің жабылу уақыты 22:00-ден 01:00-ге дейін өзгереді, одан кейінгі бір апталық мерзімде барлық мекемелер пандемияға дейінгі әдеттегі жұмыс режиміне орала алады.
Санитарлық рұқсаттамалардың да күші жойылады, алайда қажеттілік туындаған жағдайларда оларды пайдалануды қалпына келтіру жоққа шығарылмайды. Олар шетелге саяхаттау үшін өз күшінде қалады. Ірі бұқаралық іс-шараларда 1G жүйесі жұмыс істей бастайды, оған кіру коронавирусқа тесттің теріс нәтижесімен ғана рұқсат етіледі. Үкіметтің шешімі пандемияның денсаулық сақтау жүйесіне артқан жүктемесінің азаюына байланысты қабылдануда.