Жасымық – ақуыз бен темірге бай. Оның құрамында фолат бар, ол ми мен қан түзілу қызметі үшін өте қажет. Сосын тұрақты крахмал бар, ол ішек микрофлорасы үшін маңызды. Гликемия индексі төмен болғандықтан, диабетпен ауыратындар да жеуге болады.
Мейіз – калий, магний мен бета-каротиннің қоспасы. Ол жүрекке, көзге және су балансын ұстап тұруға пайдалы. Бірақ кептірілген күйінде қант көп болғандықтан, күніне 3-5 тал жесе жетеді.
Күнжіт дәні пайдалы, онда кальций, магний және мырыш бар. Ол сүйек саулығы, иммунитет үшін жақсы және қан қысымын реттейді. Сәл қуырылған күнжіт жақсы сіңіріледі. Оны салаттарға да қосады.
Пластик ыдысқа салынған тамақты ысытқан кезде мыңдаған пластик бөлшек бөлінеді. Олар гормондарға, репродуктивті жүйеге зиян.
Күйзеліс (депрессия) жүрек-қан тамыр ауруларының (инсульт, инфаркт) қаупін арттырады. Күйзеліс кезінде нейромедиаторлар тепе-теңдігі бұзылады. Ол қан тамырларының қысылуына, қан ағыны бұзылуына, атеросклероздың қозуына әкеп соғады.
Суды шамадан тыс ішу – зиян.
Суды тым көп ішсе қандағы электролиттерді, әсіресе натрийді ерітіп жібереді, бұл гипонатриемия деген жағдайға әкеп соғады.
Адам өзін зорлап көп су ішуге болмайды, ол бүйрекке ауыр келеді және пайдалы микроэлементтерді шайып тастайды.
Өз ағзаңызды тыңдай білу керек.
Шөлдеген кезде, белсенді қимылдағанда, ауырған кезде суды көбірек ішкен жөн.