Қайрат Сатыбалды Бас прокуратураның активтерді қайтару комитетімен процессуалдық келісімге қол қойып, кінәсін мойындап, заңсыз алынған активтерді өз еркімен қайтару туралы келісімге келді. Бұл активтердің жалпы сомасы 50 миллиард теңгеден асады.
Ақпаратқа сәйкес, мемлекет меншігіне өтетін мүліктердің кең тізіміне Алматыдағы екі бизнес-орталық (жақында қайтарылған «Қайсар» БО-дан бөлек), Франция, Түркия, БАӘ және Ресейдегі элиталық жылжымайтын мүліктер, сондай-ақ люкс көліктер мен зергерлік бұйымдар кіреді.
Осылайша, Сатыбалды 2,5 жыл ішінде мемлекетке 783 миллиард теңге көлеміндегі мүлікті қайтарды.