Назарбаев Университеті әлі де бюджетке қол жайып отыр.
Назарбаев Университетіне жүргізілген аудиттен кейін қаржылық "шеберліктің" жаңа қырлары анықталды. Қаржыны жоспарлау тиімділігі 73 миллиард теңге көлемінде "жоспардан тыс" нәтиже берсе, қаржылық бұзушылықтар жарты миллиард теңгеге жетіп отыр, деп хабарлайды aqshamnews.kz
Мәжілістің дәлізінде Жоғары аудиторлық палатаның төрағасы Әлихан Смайылов аудиттің нәтижелерімен бөлісе отырып, университеттің басты проблемасын атап өтті: мемлекеттік қолдаудың теңдессіз көлеміне қарамастан, университет әлі де бюджеттік "қалтаның" құшағында отыр.
97% қаржыландыру бюджеттен түсе отырып, "қаржылық тәуелсіздікке қол жеткіземіз" деген стратегиялық құжаттағы армандарды желге ұшырғандай. Смайыловтың сөзінше, бұл мәселе университеттің "басқа көздерден" қаржы табуға аса құлшыныс танытпағанынан туындап отыр.
"Тәуелсіздікке ұмтылудың орнына, бюджетке байланып қалу — Назарбаев Университетінің негізгі проблемасы. Құжат бойынша олар бюджетке тәуелділікті азайтып, өзге қаржы көздеріне арқа сүйеуі тиіс еді, бірақ нәтиже керісінше", — деп мәлімдеді ол.
Мүмкін, университеттің "бюджеттік қолдау" сабақтары тиімдірек өтіп жатқан шығар? Әлде тәуелсіз қаржыландыру — тек теориялық пән бе? Қалай десек те, аудит нәтижелері бізге білім мен қаржының үйлесім табуы әлі де арман екенін көрсетеді.