"Жаңа Алматы" кешенді жоспары аясында 70 мың тұрғын ауыз сумен қамтамасыз етіледі
Алматы қаласы Наурызбай ауданының әкімі Санжар Тоғай жергілікті атқарушы органдар үшін бұл бірінші кезектегі мәселе екенін атап өтті. Әзірге халықтың тек 30%-ы ғана ауыз сумен қамтамасыз етілген, қалған 70%-ы ашық су қоймалары мен жеке ұңғымалардан суды пайдаланады, деп хабарлайды Almaty-akshamy.kz
"Иә, жаз айларында ауыз суды арнайы техникамен тұрақты қамтамасыз ететін су тапшылығы туындайды. Тиісті жұмыстар аяқталғанға дейін осы қолайсыздықтарға түсіністікпен қарауды сұраймыз", - деп шақырды Наурызбай ауданының әкімі.
Санжар Тоғай Ақжар, Шұғыла, Тастыбұлақ, Таужолы, Жайлау, Қарғалы, Құрамыс, Таусамалы шағын аудандарында кәріз желілерін тарту және Қарғалы өзенінде сүзгі станциясының құрылысы бойынша жұмыстар жүргізіліп жатқанын қосты. Жұмыстар толық аяқталғаннан кейін ауданның 70 мың тұрғыны ауыз сумен қамтамасыз етіледі.
Сонымен қатар, Санжар Тоғай Алматы қаласының әкімі Бақытжан Сағынтаев ауданға үнемі барып, су құбыры желілерінің құрылысы мен Абай даңғылын ұзарту жұмыстарын жеке бақылайтынын хабарлады.
"Алматы әкімінің тапсырмасы бойынша Наурызбай ауданында қоғамдық кеңістіктер мен тұрғындар демалатын орындар жасалатын болады. "Шұғыла" және "Қалқаман" шағынаудандарында, әкімшілік орталықтың алдында саябақтар ашу, сондай-ақ Қарғалы өзенінің жағалауын абаттандыру жоспарлануда", - деп жалғастырды Санжар Тоғай.
Халықтың өмір сүру сапасын жақсарту және жайлы өмір сүру ортасын қалыптастыру бойынша жұмыс электрлендірудің арқасында жалғасады.
"Шұғыла", "Ақжар", "Тау самалы", "Қарағайлы" шағынаудандарының тұрғындары электр жарығының жиі өшуіне қатысты бірнеше рет шағымданды. Қабылданған шаралардың арқасында 123 шақырым электр желісі қаланың коммуналдық меншігіне берілді және қазір үзіліссіз жұмыс істеуде.