Наурызбай ауданында қоғамдық кеңістіктерді, аулаларды және қалалық инфрақұрылымды дамыту жұмыстары жалғасып келеді. Бұл қалалық ортаны кешенді дамыту тәсілінің бір бөлігі.
Биыл 47 аула ағымдағы жөндеу аясында және «Халық қатысатын бюджет» жобасы бойынша жаңартылды.
Сонымен қатар, ХҚБ аясында екі қоғамдық кеңістік қайта жасақталды. Ұлықбек көшесінде заманауи демалыс аймағы салынса, №200 мектептің маңындағы жаңартылған аумақ аудан тұрғындарының ең сүйікті орындарының біріне айналды. Бұл жерде жүргіншілерге арналған аймақ, спорт алаңы және балалар ойнайтын орындар қайта жабдықталған.
Сондай-ақ 38 көпқабатты үйдің қасбетіне сәулеттік жарықтандыру орнатылды. Бұл аумақтың көркейіп, кешкі уақытта қауіпсіз әрі жайлы болуына мүмкіндік берді.
Бұл шаралардың барлығы аудан тұрғындары мен қонақтары үшін заманауи, қолайлы әрі қауіпсіз кеңістік қалыптастыруға бағытталған.