TikTok-та Наурыз туралы бейнероликтер 120 миллионнан аса қаралым жинады. Онлайн-фестиваль Қазақстан Республикасы Мәдениет және спорт министрлігінің, «Kazakh Tourism» ҰК АҚ және танымал контент авторларының қолдауымен өтті.
«Біз Қазақстандағы ірі қауымдастықпен бірге Наурыз мерекесін атап өтіп, жарқын және әсем онлайн-фестиваль алаңына айналғанымызға өте қуаныштымыз. TikTok-ты мерекенің барлық түсімен, оның әуендерімен, дәмі тіл үйіретін тағамдарымен, билерімен және керемет көңіл-күйімен толтырғаны үшін қолданушыларымызға рақмет! Сіздердің арқаларыңызда бүкіл әлем бойынша Қазақстанның мәдениеті қаншалықты әдемі және бірегей екені туралы барынша көп адам біле алады», – деп пікір білдірді TikTok-тың Шығыс Еуропа мен Орталық Азиядағы Операциялық бөлімінің басшысы Екатерина Блинец.
Іс-шара аясында үздік бейнероликтердің жеңімпаздары анықталды. Жеңімпаздар Қазақстанның ең сұлу мекендеріне саяхаттады.
Қолданушылар наурызкөже, дәмі тіл үйіретін асылған ет пен қуырдақ, бауырсақ және басқа да ерекше мерекелік тағамдардың рецептін белсенді бөлісті. Қазақстандықтар еліміздің түкпір-түкпіріндегі мерекелерден репортаж жүргізді, халықтық мерекелерді көрсетіп, өздері де қатысты. Контент авторлары мерекенің тарихы, оның дәстүрлері туралы әңгімелеп, дәстүрлі киімдер мен зергерлік бұйымдардың сұлулығын көрсетті және, әрине, платформаны ұлттық музыкамен толтырды. Мерекенің басты музыкалық трендтерінің бірі дәстүрлер мен заманауи мотивтерді үйлестіретін «Қамажай» қазақ халық әнінің ремиксінде би болды.