Намибиялық саясаткер Адольф Гитлер Уунона төлқұжатындағы "Гитлер" есімін ресми түрде алып тастап, атын өзгертті, - деп хабарлайды aqshamnews.kz тілшісі.
"Мен Адольф Уунонамын"
Уунона Омпунджа округін басқарады. Енді оның ресми аты – Адольф Уунона. Бұл қадамға ол өңірдегі кезекті сайлауға қатысу барысында барған. Саясаткердің ерекше есімі бұрыннан оның беделіне нұқсан келтіріп жүрген.
The Namibian басылымына берген сұхбатында саясаткер өзі туралы "мені Адольф Уунона деп атағанды қалаймын" деп, бұрынғы есімі "оның мінезі мен амбициясының айқындамайтынын" атап өтті.
"Менің атым Адольф Гитлер емес. Мен - Адольф Уунонамын. Бұрын адамдар мені Адольф Гитлер деп атап, мүлде танымайтын адаммен байланыстыруға тырысқан еді", - деді ол.
Сонымен қатар, жергілікті БАҚ-тың мәліметінше, Адольф Уунона Омпунджа округіндегі сайлауда тағы да жеңіске жеткен.
Адольф Гитлер Уунонаның саяси жолы
Уунона Омпунджа округінде алғаш рет 2004 жылы сайланған. Ол бұған дейін медиаға берген сұхбаттарында нацистік идеологияға қатысы жоғын, "әлемді жаулап алуға ұмтылмайтынын", ал әкесі бұл есімнің мағынасын түсінбегенінін айтты.