Израиль, АҚШ, Австралия, Швейцария және Франция елдері өкілдерінен құралған халықаралық ғалымдар тобы мың жылдық тұқымнан ағаш өсіріп, оның Библияда аталған бальзам көзі болуы мүмкін екенін анықтады, деп хабарлайды aqshamnews.kz
Бұл ерекше тұқымның ұзындығы шамамен екі сантиметр, және ол біздің дәуіріміздің 993-1202 жылдары аралығымен даталанған. Тұқымды Иудей шөліндегі бір үңгірден 1980 жылдардың соңында тапқан. Көпжылдық әрекеттерден кейін ғалымдар тұқымнан жас өскін өсіріп, оны "Шеба" деп атады.
Бұл жаңалық ежелгі тарихты қайта зерттеуге, және осы ағаштың бальзам өндіруде рөлін анықтауға жаңа мүмкіндіктер ашуда.
Керек дерек.
Библияда аталған Гилеад бальзамы емдік, косметикалық және діни мақсатта қолданылған ерекше хош иісті шайыр. Бұл бальзам ежелгі Гилеад аймағында өсірілген бальзам ағашынан алынған және оның қабынуға қарсы, емдік қасиеттері жоғары бағаланған. Библияда Иеремия мен Жаратылыс кітаптарында осы бальзамның емдік қасиеті туралы жазылған.