Дәрігер музыка тыңдап жұмыс істеудің тиімділігін бағалады
Психиатр: Музыка тыңдап жұмыс істеу адамда бар қандай да бір бұзылыстарды аңғартуы мүмкін, деп хабарлайды Almaty-akshamy.kz.
Осы күні құлаққап тағып алып, музыка немесе подкаст тыңдап отырып жұмысын да тындыра беретіндер қатары көп. Бүгінде бұл көрініс қалыпты жағдайға айналды. Алайда бұлай жасау адамда қандай да бір бұзылыстардың барын аңғартады екен. Дәрігер-психиатрдың айтуынша, бұл әдістің тиімділігі назарды шоғырландыруда. Бұл туралы ресейлік маман, психотерапевт Евгений Фомин айтты.
Маманның сөзіне қарағанда, жұмысқа ден қойып, оның өнімді болуы үшін тек тыныштық қажет деген түсінік ескірген. Гаджеттердің әсерінен қазір адамдарда ақпаратты үздіксіз қабылдау әдеті қалыптасқан. Сол себепті музыка немесе подкаст тыңдау кейбір адамдарға алдына қойылған міндеттерді атқаруда назарды шоғырландыруға жақсы көмектеседі.
Алайда, жұмыс кезінде аудио тітіркендіргіштерді қолдану әдеті де кейбір ауытқулардың симптомы болып табылады. Олардың қатарына назар бөлу (қою) жетіспеушілігі мен гипербелсенділік жатады. Мұндай адамдарға үнемі бір нәрсе болып жатып, назардың өзгеріп тұруы маңызды.
Сонымен қатар, адамның тыныштықта жұмыс істей алмауы мазасыздану (алаңдау) сезімінің тым жоғары екенін көрсетуі мүмкін.
«Мүмкін, оны қандай да бір ойлар мазалайтын шығар және оған оны тыныштандыратын музыка маңызды болуы мүмкін»,-деп түсіндірді Фомин.