Жыл сайын қаңтарда "Крещение" мейрамында мұсылмандарға суға түсуге бола ма? ҚМДБ өкілдері түсіндірді, деп хабарлайды aqshamnews.kz
"Тіпті сол суға түскен адам тазарады және күнәсі кешіріледі дейді. Бізге де осы мәселе бойынша көптеген сұрақ келеді. Мұсылман адамның осындай рәсімге қатысуына бола ма деп сұрап жатады. Мұсылмандар қай заманда болсын басқа дін өкілдеріне ерекше құрметпен қараған және олардың діни рәсімдерін, құлшылықтарын орындауына ешқандай кедергі жасамаған. Ислам діні басқа дінге, ұлтқа құрметпен қарауға бұйырады. Бірақ бұл мұсылмандардың олардың да діни рәсімге қатысуға болады, солармен қосылып құлшылықты атқаруға рұқсат етілді деген мағынаны білдірмейді. Пайғамбарымыз “кімде кім қай қауымға ұқсаса, ол сол қауымнан” деген сөзі бар. Сондықтан мұсылман адамның ондай іс шараларға қатыспағаны дұрыс", – дейді ҚМДБ өкілдері.
Басқарма мамандары денсаулығын жақсарту ниетімен суға түскісі келетіндерге басқа күнді таңдаған абзал дейді.
"Кейбір адамдар “бұл діни рәсімге ешқандай қатысым жоқ, мен бұл жерге тек денсаулығымды жақсарту ниетіммен барамын” дейді. Әрине ислам діні әрбір адамға денсаулығына қарауға және емделуді бұйырады. Бірақ мұндай шараға дәл осы күні емес, басқа күні барғаны дұрыс", – дейді.