Мәжіліс пен мәслихаттарға сайлау, сайып келгенде, құзыретті, мобильді Парламент құруға арналған.
Мұндай пікірді Қазақстан Республикасы Ұлттық Ғылым академиясының басшысы, химия ғылымдарының докторы, профессор, академик Мұрат Жұрынов айтты, деп хабарлайды Almaty-akshamy.kz.
"Елімізде екі бағытта жүру керек деп санаймын – бір жағынан тәуелсіздігімізді сақтап, нығайту, екінші жағынан тиімді заңнамалық жүйені қалыптастыру. Сондықтан тиімді заңдар қабылдайтын кәсіби заң шығарушылар қажет. Парламент иммунитетті алуға ұмтылу үшін қызмет етпеуі керек. Дәл осы құзыретті адамдар заманауи заңнамалық тетіктерді құра алады", - деді академик.
Ғалым қазақстандықтарды белсенді азаматтық ұстаным танытуға, атап айтқанда барлық деңгейдегі сайлауға міндетті түрде қатысуға шақырды.