С. Бегалин атындағы Орталық қалалық балалар кітапханасында 2025 жылдың 21 қарашасында қазақ балалар әдебиетінің классигі Сапарғали Бегалиннің туғанына 130 жыл толуына орай республикалық дөңгелек үстел өтті.
Шараға жазушының немересі *Гүлнар Бегалина,* шөбересі *Ернар Бегалин,* Түркістан облыстық Ы.Алтынсарин атындағы балалар кітапханасының директоры *Рысбек Ермекұлы* және мектеп оқушылары, педагогтар, кітапханашылар мен жазушылар қатысты. Халықаралық «Алаш» сыйлығының лауреаты *Сайлаубай Тойлыбаев,* балалар әдебиетін зерттеуші ғалымдар мен ұстаздар қазақстандық балалар әдебиетінің дамуы және Сапарғали Бегалин шығармашылығының мектеп бағдарламасындағы маңызы туралы баяндамалар жасады.
Өз сөзінде Гүлнар Бегалина жазушының шығармашылық мұрасына көңіл бөлудің маңыздылығын атап өтіп:
«Біздің отбасымыз үшін Сапарғали Бегалиннің шығармашылығы өмір сүруін, жаңа буын оқырмандарды шабыттандыруын және біріктіруін көру аса құнды» деді.
Сапарғали Бегалиннің сирек фотосуреттері, мұрағаттық материалдары мен жазушының өмірі мен шығармашылық жолына қатысты деректер ұсынылған арнайы галерея ерекше назарға ие болды.
Батанов орта мектебінің оқушылары жазушы мұрасына арналған шығармашылық номірлерін көрсетті, ал педагогтар классикалық балалар әдебиетіне қызығушылық қалыптастыруға бағытталған шеберлік сабақтары мен пікірталастар өткізді.
Кездесудің ең жарқын сәттерінің бірі – ұстаз Аслан Исабаевтың арнауы болды. Оның жүрекке жеткен жыр жолдары бағдарламаға ерекше эмоциялық реңк беріп, Сапарғали Бегалин мұрасының рухани маңызын айшықтай түсті.
Дөңгелек үстел қазақстандық балалар әдебиетін насихаттаудың, мәдени мұраны сақтаудың және жас ұрпаққа жазушы шығармашылығын таныстырудың маңызды алаңына айналды.