Қоғам қайраткерлері Алматы әкімі Б. Сағынтаевтың салынып жатқан екі метро бекеттің атауын өзгерту туралы бастамасын қолдады деп хабарлайды almaty-akshamy.kz
«Сұлтанбек Қожанов» қоғамдық бірлестігінің төрағасы Мұқан Әбдірахманұлы еліміздің әрбір азаматы көрнекті тұлғалардың өмірі мен қызметі туралы білуі және есте сақтауы тиіс деп есептейді.
«Бұл есімдер бір кездері Қазақстанның даңқын шығарды. Олар өскелең ұрпақтың жадында қалуы керек. Тарихи тұлғалардың қадір-қасиетін білу, олардың есімін ұлықтау әрі мәңгілік ету – біздің ұрпақтың ата-бабалар алдындағы борышы. Мен метро бекеттеріне Бауыржан Момышұлы мен Қарасай батырдың есімін беруді толық қолдаймын», - деді Мұқан Әбдірахманұлы.
Ол сонымен қатар Бауыржан Момышұлының жай ғана халық батыры емес, Ұлы Отан соғысы кезіндегі әскери қолбасшы болғанын қосты. Оның есімі ерекше құрметке лайық. Ол полкты, кейін дивизияны басқарған креативті ойшыл әскери басшы болды. Қарасай батыр да әскери қолбасшы болған, әйгілі Орбұлақ шайқасына қатысып, жоңғарлармен соғысып, Жетісуда бір емес, бірнеше рет жеңіске жеткен.
Бұрындары хабарланғандай, Мәслихат депутаттары мегаполис әкімінің «Западный» автовокзалы аталуы тиіс болашақ вокзалдың атауын «Қарасай» стансасына өзгерту туралы ұсынысын қолдады. Оларды «Б. Момышұлы» және «Қарасай» атау ұсынылды.
Достық бекеті Абай даңғылы мен Момышұлы көшесінің қиылысында салынып жатыр. Оның техникалық іске қосылуы осы жылдың соңына жоспарланған. «Западный» автовокзал бекеті Алматы облысы Қарасай ауданының шекарасында салынады.
Белгіленген тәртіп бойынша Әкімдіктің қаулысы мен Алматы қаласы мәслихатының шешімі Республикалық ономастикалық комиссияға жіберіледі, онда түпкілікті шешім қабылданады.