Мүмкіндігі шектеулі жандар – қоғамның маңызды бөлігі. Олар өз қабілеті мен талантының арқасында білім алып, жұмысқа орналасып, қоғаммен бірге өмір сүре алады.
Мемлекет бұл азаматтардың өмір сапасын жақсарту үшін түрлі қолдау көрсетіп, кедергісіз орта қалыптастыру бағытында жүйелі жұмыс атқаруда.
Алматыда мүгедектігі бар адамдарды қолдау шаралары жыл сайын кеңейіп келеді. Әлеуметтік көмек көрсету бағдарламалары арқылы мыңдаған азаматқа қаржылай қолдау көрсетіліп келеді.
Мәселен, Атаулы әлеуметтік көмек (АӘК) бағдарламасы аясында 14 810 адамға 1,6 млрд теңге көлемінде қаржы бөлінді. Сондай-ақ, АӘК алушы отбасылардың 4 727 баласы қосымша төлемдер арқылы тұрмыстық қажеттіліктерін өтеу мүмкіндігіне ие болды.
Мемлекет тарапынан көрсетілетін осындай қолдау мүмкіндігі шектеулі жандардың өз қабілеттерін жүзеге асыруына, қоғамда өз орнын табуына және өмірге деген сенімін нығайтуға үлкен мүмкіндік береді. Әлеуметтік әділеттілік пен қамқорлық көрсетілген қоғамда әрбір азамат өз әлеуетін толық жүзеге асыра алады.