Бұл туралы «Азаматтарға арналған үкімет» мемлекеттік корпорациясы» КЕАҚ мәлімдеді
Мүлік және жер салығын төлеу мерзімі 1 қазанда аяқталады, деп хабарлады Almaty-akshamy.kz.
"Бұл салықтар жеке тұлғалардың салық салу объектілері туралы мәліметтер бойынша есептеледі, онда объектінің есептік құны, жер учаскесінің ауданы, жылжымайтын мүлік объектілерінің иелері және басқа да көрсеткіштер көрсетіледі", - деп жазылған хабарламада.
Есептелген сомалар туралы «e-SalyqAzamat» мобильді қосымшасындағы «алдағы төлемдер» қызметінен, сондай-ақ Бірыңғай есеп айырысу орталығы ұсынған түбіртектерден біле аласыз.
"2021 жылдың 1 қаңтарынан бастап жер мен мүлік бір мүлік салығына біріктіріледі. Енді үй мен жер учаскесі үшін мүлік салығы сияқты бір соманы төлеу керек. Ал көп қабатты үйлердің тұрғындары тек мүлік салығын төлейді, олар жер салығын төлеуден босатылған", - деп жазылған хабарламада.