Өткен жылы Қазақстанға 40,2 млн долларға 112 млн дана раушан гүлі әкелінген
2023 жылы Қазақстан 61,1 млн долларға 149,8 млн дана көлемінде гүл импорттады, бұл 2022 жылдың осы кезеңімен салыстырғанда 29%-ға артық (47,3 млн доллар).
Қазақстандық нарыққа негізгі гүл жеткізуші елдер - Эквадор, Нидерланды, Кения және Колумбия. Импорттың ең үлкен көлемі Эквадорға тиесілі - Қазақстан мұнда 37,5 млн долларға гүл сатып алды. 2023 жылы Нидерландыдан жеткізілімдер 13,1 млн долл., Кениядан - 4,8 млн долл., Колумбиядан - 3,4 млн долл. құрады.
Импорттың айтарлықтай аз көлемі Қытайдан (592,3 мың долларға), Израильден (467,4 мың долларға), Өзбекстаннан (393,2 мың долларға) және Ресейден (356,7 мың долларға) байқалады.
- Қазақстанға шағын гүл партияларын жеткізушілердің қатарында Эфиопия, Түркия, Италия, Чили, Оңтүстік Африка, Беларусь, Германия, Франция, Малайзия, Испания бар.
- Қазақстандықтар арасында ең көп сұранысқа ие болған раушандар өткен жылы 40,2 млн долларға 112 млн дана көлемінде әкелінген. Хризантема 7,6 млн долларға 15,8 млн дана көлемінде сатып алынды. Лилияның импорттық жеткізілімі 1,5 млн долларға жуық 3,3 млн данадан сәл ғана асып түсті. Одан кейін гвоздика келеді, олар 1,2 млн долларға 6 млн-нан астам дана, 210,2 мың долларға 116,6 мың дана орхидея әкелінді.
- Соңғы үш жыл ішінде Қазақстаннан гүл жеткізу тұрақты түрде Ресей, Қырғызстан және Өзбекстанға жүзеге асырылуда, ал 2023 жылы елеусіз мөлшерде Қытайға да экспортталды.
- 2023 жылы Қазақстан көрші елдерге 2,7 млн долларға гүл жіберді, оның ішінде Ресейге экспорт 2,5 млн долларды құрады. Қырғызстанға 80,8 мың долларға, Өзбекстанға - 55,5 мың долларға, Қытайға - 3,3 мың долларға гүл қойылды.
Өсімдіктердің атауларына келетін болсақ, Қазақстан негізінен раушан, бақытгүл, қалампыр, орхидея, лала гүлі және басқа да кесілген гүлдер мен гүл қауызы экпорттаған.
2022 жылғы қаңтар-қарашамен салыстырғанда шетелге гүл сату көлемі 16,3% немесе 517 мың долларға төмендеді.