Бейжің университетінің Хайбен Хуан есімді ғалымы бастаған топ алғаш рет микропластик бөлшектерінің тышқандардың организімінде қалай қозғалатынын таспаға тартып алды.
Организмдегі микропластиктің барлық «саяхатын» нақты уақыт аралығында бақылап, қорқынышты қорытындыға келді.
Бұл жайында aqshamnews.kz islam.kz порталына сілтеме жасап.
Қоршаған ортада, дәлірегі, суда да, топырақта да, ағашта да, тіпті, бұлт да, ауада да кездесетін, көлемі 0,001-ден 5 миллиметрге дейін болатын микропластик адам организімінде жинала келе денсаулығына зиян келтіреді. Мәселен, май қатпарында жиналған микропластик жүрек талмасы секілді қауіпті ауруларға ұрындырады.
Бұл бағыттағы тәжірибе барысында зертханадағы тышқаннынң организіміне енгізілген микропластикті флуоресцентті визуалдау әдісімен бақылаған екен: иммундық жасуша микропластикті жұтқаннан кейін қан тамырларын бітеп тастаған. Соның салдарынан кеміргіштің миына баратын қан мөлшері азайып, қозғалу қабілетіне кедергі келтірген. Бұл хал бірнеше күнге созылған. Бұл процесс, бір жағынан, ұйып қалған қан түйіршігін еске түсіреді. Осылайша қан айналымына кедергі келтіреді.