Микропластик адам организіміне ас-су қабылдағанда, ауа, яғни, тынысс алғанда, тіпті, терісінен де ене алады.
Бұл жайында islam.kz порталы Science News мерзімді басылымына сілтеме жасай отырып мәлім етеді, деп хабарлайды Almaty-akshamy.kz.
Сарапшылардың сөзіне қарағанда, микропластиктің қоршаған орта мен тіршілік иелеріне кері әсері бұдан былай арта береді. Бұған пластик өндірісінің ұлғаюы мен оның өңделу процесінің (дәлірегі, ыдырау процесі) өндіріс қарқынына ілесе алмауы себеп болмақ. Франческо Пратисисо есімді италиялық ғалым жетекшілік еткен зерттеушілер бұл бағыттағы тәжірибе барысында артериялардың ішіндегі пластиктің күлдей ұсақ бөлшектерінің жүрек-қан тамырлары ауруларының қаупін айтарлықтай арттыратынын анықтады.
Аталмыш зерттеуге атеросклерозбен ауыратын 257 науқас қатысқан. Бұл тараптағы талдау нәтижесі көрсеткендей, микропластиктердің болуы инфаркт немесе инсульт қаупін шамамен төрт есе арттырады. Инфаркт алған адамның жарымжан жанға айналу қатері тым жоғары. Микроплстиктің осындай қауіпті салдары белгілі болып отыр.