Алматыда 7-21 қыркүйекте әлемдік деңгейдегі аспаздар, Michelin жұлдызы иегерлерінің қатысуымен жыл сайынғы Almaty crossroads гастрономиялық асхана фестивалі өтеді.
Биыл фестивальде алғаш рет гастрономия заманауи өнермен біріктіріледі. Қонақтарға 15-тен астам мейрамхана қызмет көрсетеді. Мұнда келушілерге авторлық жобалар бойынша ерекше жасалған дәмді ас мәзірлері ұсынылады, тіпті көше кафелері қатыспақ. Жеке блокта халықаралық сарапшылармен Crossroads Talks пікірталас өтеді. Ұйымдастырушылар - Almaty Tourism Bureau және ABR компаниясы.
«Almaty Сrossroads-бұл қаланың жаңа мәдени келбетін қалыптастыратын іс-шара. Фестиваль Алматының гастрономия білгірлерінің ғана емес, бүгінгі заманауи өнер мен креативті индустрияға қызығатындар үшін де ерекше алаң болмақ. Түрлі сала өкілдерінің бас қосуы туристердің мегаполиске деген қызығушылығын арттырады және халықаралық аренада қаланың беделін арттыруға мүмкіндік береді», - деп атап өтті Almaty Tourism Bureau директоры Дияр Асқаров.
Фестиваль 2022 жылы құрылғаннан бері Алматының мәдени бөлігіне айналды. Бұл қаланың халықаралық деңгейде көрінуіне, ал қазақстандық аспаздар есімдерінің Michelin жұлдыздарымен бірге жазылуына ықпал етеді. Сондай-ақ Тhe world's 50 Best Restaurants құрамына енген әріптестермен тізе қосып жұмыс істеуге мүмкіндік береді.