Республика күніне орай жолаушылар ағынының артуына байланысты "Жолаушылар тасымалы" АҚ қосымша пойыздарды іске қосады, деп хабарлайды aqshamnews.kz "ҚТЖ"-ға сілтеме жасап.
Ұлттық тасымалдаушының хабарлауынша, қосымша пойыздар мына бағыттар бойынша жүреді:
"Ақтөбе-Шалқар" бағыты бойынша №630/629 пойыз 2024 жылдың 22 қазанынан бастап екі күнде бір рет жүреді;
"Астана-Шымкент" бағыты бойынша №204 пойыз 2024 жылдың 21 қазанынан бастап күн сайын жүреді;
"Шымкент-Алматы" бағыты бойынша №216 пойыз 2024 жылдың 22 қазанынан бастап күн сайын жүреді;
"Алматы-Астана" бағыты бойынша №201 пойыз 2024 жылдың 23 қазанынан бастап күн сайын жүреді.
Компаниядағылар пойыздарға әртүрлі қызмет көрсету дәрежесіндегі вагондар, соның ішінде купе және плацкарт вагондар кіретінін хабарлады.
Сондай-ақ қала маңы бағытында 2024 жылдың 25 және 27 қазанында "Қарағанды-Астана" жүрдек электр пойызының бағыты Бурабай курорт станциясына дейін ұзартылады.
№7553/6811/6812/7556 "Қарағанды-Астана-Бурабай курорты" электр пойызының бағыты:
Астанадан шығу 10:40, Бурабайға келу 13:15;
Бурабайдан қайту 14:10, Астанаға келу 17:00.
Сонымен қатар 2024 жылдың 25, 26 және 27 қазанында "Ерейментау-Астана-Көкшетау" бағыты бойынша №6831/6829/6830/6832 электр пойызының құрамы қосымша вагондармен толықтырылады.