Қазақстандық актриса және тележүргізуші, әйгілі әнші Қайрат Нұртастың жары Жұлдыз Әбдукәрімова 13 тамызда отбасымен бесінші сәбиінің жынысын анықтайтын кеш(гендер-пати) өткізді. Қайрат Нұртас отбасылық жиынға неге бармағанын түсіндірді, - деп хабарлайды Аqshamnews.kz.
Жұлдыз өзінің парақшасында балаларымен бірге дастарқан басында жапонның "Моти" десертін жеп отырған видеосын жариялады. Десерттің ішкі түсіне қарай олар сәбидің жынысын білді. Алайда нақты ұл немесе қыз екенін жарияламады. Дегенмен, Жұлдыздың қыздарының қуанышты реакциясына қарағанда, қыз бала болуы мүмкін деген болжам бар.
"Аса қатты гендер пати жасағым келмеді. Бірақ төрт құбыламның көңілін қимағандықтан у-шусыз өткізейік деп ортақ шешімге келдік" деп жазды Әбдукәрімова.
Айта кетейік, отбасылық маңызды шарада Қайрат Нұртас бой көрсетпеді. Кейін әнші өзінің парақшасында жазба жариялап, жұмыстан қолы тимегенін айтты.
"Жұмыста жүріп,түнделетіп қайтып, мен жоқта гендер пати шырақтары жанып қызық болыпты,байқадым…" деп жазды ол.
Желі қолданушылары пікірлер бөлімінде сәбидің жынысын болжауға тырысып, неге Қайрат Нұртастың келмегенін сұрады:
"Мүмкін, қыз бала шығар, қыздары мәз ғой!","әкесі қайда?", "Қайрат 10 жыл бойы Жұлдызды ешкімге көрсетпей жасырды, енді Жұлдыздың Қайратты жасыратын кезі келді!" деп жарыса жазды жұрт.