Ішкі істер министрлігі де автокөліктерге арналған есім жазылған мемлекеттік тіркеу нөмірлерін енгізу қазіргі уақытта қарастырылмайтынын айтты, деп хабарлайды aqshamnews.kz
UzA Telegram-арнасының мәліметінше, Өзбекстанда 2026 жылдың 1 қаңтарынан бастап көлік иелері қалаған әріптер мен сандарды таңдап, мемлекеттік нөмір сатып алу мүмкіндігіне ие болады. Мысалы, нөмірге есімін немесе қала атауын жазуға болады.
Осыған байланысты көп қазақстандық жүргізушілерде орынды сұрақ туындады: мұндай тәжірибе бізде енгізіле ме? Бұл жөнінде Ішкі істер министрлігіне және Заңнама мен сот-құқықтық реформа комитетінің төрайымы Снежанна Имашеваға сауал жолдадық.
Парламент не дейді?
Снежанна Имашева бұл мәселе бойынша Мәжілісте жұмыс тобының құрылуы жоспарланбағанын айтты. Сондай-ақ депутаттардан да, азаматтардан да ешқандай бастама түспеген.
Оның айтуынша, депутаттар арасында бірыңғай ұстаным жоқ.
"Біреулері есім жазылған нөмірлер алу мүмкіндігін тек бюджетке қосымша қаржы түсіру тәсілі ретінде қолдайды, бірақ олардың құны өте қымбат болуы керек деп есептейді. Ал басқалары түбегейлі қарсы, мұндай жаңашылдықты орынсыз санайды: ол тек әлеуметтік теңсіздікті айқындап, жастар арасында шамадан тыс мақтаншақтық мәдениетін қалыптастырады", – деді Заңнама және сот-құқықтық реформа комитетінің төрайымы.
ІІМ жауабы
растады.