Мемлекет басшысы Үкіметке моноқалалардың коммуналдық желілерін жөндеуге жұмсалатын қаржы көлемін арттыруды тапсырды, деп хабарлайды Almaty-akshamy.kz.
«Шағын қалалардағы тағы бір мәселе – инженерлік инфрақұрылымның әбден тозуы. Бұл мәселенің шешімін табу үшін қомақты қаражат керек. Үкімет моноқалалардың коммуналдық желілерін жөндеуге жұмсалатын қаржы көлемін арттыруы қажет. Себебі, біздің азаматтарымыз қай қаланың тұрғыны болса да, таза, жасыл желекке толы, бақуатты, гүлденген ортада өмір сүруі керек. Оны қамтамасыз ету – мемлекеттің міндеті», - деді Қасым-Жомарт Тоқаев Қарағанды облысының жұртшылығымен кездесуінде.