Президент Қасым-Жомарт Тоқаев Қырғызстан, Қатар, Мажарстан және Сербияға Қазақстанның жаңа елшілерін тағайындап, бірқатар дипломатты қызметінен босатты, – деп хабарлайды aqshamnews.kz тілшісі.
Бұл туралы Ақорданың баспасөз қызметі мәлімдеді.
Президент жарлығымен жаңа қызметке тағайындалғандар:
Әбілқайыр Бақтыбайұлы Сқақов Қазақстанның Қырғыз Республикасындағы Төтенше және Өкілетті Елшісі лауазымына тағайындалды;
Бақыт Данабекұлы Батыршаев Қазақстан Республикасының Қатар Мемлекетіндегі Төтенше және Өкілетті Елшісі лауазымына тағайындалды;
Анель Бақытбекқызы Қазақстанның Мажарстандағы Төтенше және Өкілетті Елшісі лауазымына тағайындалды;
Болат Бәриұлы Иманбаев Қазақстанның Сербиядағы Төтенше және Өкілетті Елшісі болып тағайындалды, ол Армениядағы Төтенше және Өкілетті Елшісі лауазымынан босатылды;
Қазақстанның Үндістандағы Төтенше және Өкілетті Елшісі Азамат Несіпбайұлы Есқараев Бангладеш Халық Республикасындағы, Бутан Корольдігіндегі, Мальдив Республикасындағы, Непалдағы Төтенше және Өкілетті Елшісі қызметін қоса атқарушы болып тағайындалды.
Президенттің шешімімен төмендегі дипломаттар қызметінен кетті:
Рәпіл Сейітханұлы Жошыбаев Қазақстанның Қырғыз Республикасындағы Төтенше және Өкілетті Елшісі лауазымынан босатылды;
Арман Қайратұлы Исағалиев Қазақстанның Қатар Мемлекетіндегі Төтенше және Өкілетті Елшісі лауазымынан босатылды;
Абзал Сапарбекұлы Қазақстанның Мажарстандағы Төтенше және Өкілетті Елшісі лауазымынан босатылды;
Мәди Бәкірұлы Атамқұлов Қазақстанның Сербия Республикасындағы Төтенше және Өкілетті Елшісі лауазымынан босатылды.