Таиландта танымал мейрамхананың қызметкерлері қателесіп 200 000 баттан астам ақша (шамамен үш миллион теңге) төлем жасаған клиентті іздеп жатыр. Бұл жағдай Neua Luan Luan мейрамханасында болған, деп хабарлайды aqshamnews.kz thethaiger.com-ға сілтеме жасап.
Мейрамхана Facebook-те жариялаған жазбасында былай хабарландыруды жариялады:
«Біз 3 қараша күні кешкі 7:50-де Neua Luan Luan, Ratchaphruek филиалында тамақтанған клиентті іздеп жатырмыз. Клиент қателесіп, шоттың нақты сомасы 2,020.91 баттың орнына 200,091 бат төледі. Егер бұл хабарламаны көріп жатсаңыз, бізге [email] немесе 095-527-8298 телефон нөмірі арқылы хабарласыңыз. Рахмет!»
Бұл хабарлама көпшіліктің назарын аударып, көптеген адамдар оны бөлісіп, клиентті табуға көмектесті. Кейбір қолданушылар бұл қателікті адамның байлығының әсерінен байқамай қалуы мүмкін деп әзілдесті.
Шоттың нақты сомасы 2020,91 бат болса, клиент қателесіп 200,091 бат аударған. Қазір мейрамхана қызметкерлері бұл мәселені шешу үшін банктен көмек сұрауда.