Бұқаралық ақпарат құралдары нысандарын антитеррористік тұрғыдан қорғау – терроризм қаупі төнген жағдайда маңызды міндеттердің бірі болып саналады.
Себебі, БАҚ нысандары – қылмыскерлер үшін ең осал және стратегиялық маңызы бар орындар. Әсіресе теле- және радиохабар тарату станциялары төтенше жағдайлар кезінде ақпарат таратудың басты көзі болып табылады. Мұндай нысандарға бақылау орнату арқылы қаскөйлер жалған ақпарат таратып, халық арасында дүрбелең туғызуға әрекет етуі мүмкін.
Осыған байланысты, штаттан тыс жағдай туындаған кезде қызметкерлердің алғашқы іс-қимыл алгоритмдерін білуі – нысанның қауіпсіздігін қамтамасыз етудегі басты шарттардың бірі. Терроризм қаупі төнген сәтте қызметкерлер тез әрі сауатты әрекет етуге дайын болуы тиіс. Эвакуация ережелерін меңгеру мен шұғыл қызметтермен дұрыс байланыс орнату – тек адам өмірін аман сақтап қалуға ғана емес, сонымен қатар материалдық шығынды азайтуға да септігін тигізеді.
Кризистік жағдайларда алғашқы іс-әрекеттерді меңгеру ұйым ішіндегі қауіпсіздік мәдениетін қалыптастыруға үлес қосады. Бұл – қауіптің алдын алу мен оның салдарын азайтудың маңызды тетігі.