Алматының Медеу ауданында тұрғындарды сапалы ауыз сумен және орталық кәріз жүйесімен қамтамасыз ету мәселесі кезең-кезеңімен шешіліп отыр. Бұл туралы Медеу ауданының әкімі Еркебұлан Оразалин Алматы қаласының Өңірлік коммуникациялар қызметінде хабарлады.
Бұл жұмыс 2023 жылы басталған болатын. Сол кезде ауданның жоғарғы бөлігінде жер асты суының деңгейі 2,5 есеге төмендеп, 150 текше метрден 60 текше метрге дейін азайған еді. Осыған байланысты ұзындығы 73 шақырым болатын жаңа инженерлік желілер салынып, соның 35 мыңнан астам тұрғын алғаш рет орталықтандырылған су және кәріз жүйесіне қол жеткізді.
2025 жылы бұл бағыттағы жұмыс жалғасып жатыр. Жалпы ұзындығы 118 шақырым болатын желілердің құрылысы «Таулы Қырат», «Каменск үстірті», «Кіші станица», «Атырау», «Алатау» және «Мұзтау» шағынаудандарында қолға алынған. Жыл соңына дейін «Алатау» және «Мұзтау» шағынаудандарындағы жұмыс толық аяқталады, ал қалғаны 2026 жылы іске асырылады. Соның нәтижесінде 25 мыңнан астам тұрғын ауыз су мен кәріз жүйесіне тұрақты қол жеткізеді.
Еркебұлан Оразалин инженерлік инфрақұрылымды дамыту бойынша кешенді жұмыс ауданның барлық бөлігінде тұрғындардың өмір сүру сапасын арттыруға бағытталғанын атап өтті.