Қазақстан олимпиада жүлдегерлеріне ең жоғары төлем беретін бес елдің қатарында тұр.
Ұлттық Олимпиада комитеттерінен, CNBC спорт қауымдастықтары жинаған ақпаратта елдердің жеңімпаздарға қанша төлейтіні көрсетілген, деп хабарлайды aqshamnews.kz
Қазақстан Олимпиада жүлдегерлері үшін ең ірі сыйақы төлейтін мемлекеттердің алғашқы бестігінде тұр. Еліміз өткен Олимпиада ойындарындағыдай өз чемпиондарына алтын медаль үшін 250 мың доллар төлейді. Бұл сома Қазақстанды төлем мөлшері бойынша ТМД елдері арасында көшбасшы етті.
Алтын медаль иелеріне ең көп сыйақы беретін ел – Гонконг. Бұл мемлекет алтын алған спортшыларға 768 мың доллар уәде еткен. Гонконг спортшылары екі алтын мен екі қола жеңіп алды.
Екінші тұрған Сингапур олимпиада жеңімпаздарына алтын үшін 745 мың доллар береді. Алайда, бұл ойындарда сингапурлық спортшылар жалғыз қоланы қанағат тұтты. Жалғыз қола медаль иесіне 186 мың доллар төленеді.
Токио Олимпиадасында алтын үшін 746 мың доллар төлеген Индонезия бұл жолғы сыйақына 300 мың долларға дейін қысқартқан.
271 мың доллар сыйақы төлейтін Израиль рейтингтің төртінші сатысында тұр.
Ал алтын медаль игеріне 250 мың доллар беретін біздің еліміз осы бестікті аяқтайды. Бұл рейтингтің соңы болғанмен, еліміздің сыйақы көрсеткіші ТМД елдері арасында көш бастап тұр.
