Танымал продюсер Баян Алагөзова әлеуметтік желіде "Қазақтар Ислам дінін қабылдамаған" деген мәлімдеме жасаған еді. Дінтанушы Данияр Кенжеұлына продюсердің сөзін сынап, "Maxi чайға" бойкот жариялауды ұсынды, - деп хабарлайды Аqshamnews.kz.
Данияр Кенжеұлы бұл пікірін Тhreads желісінде бөлісті.
"Баянның "қазақтар Ислам дінін қабылдамаған" деген сөзі - жай ғана сауатсыздық емес, бүкіл ұлттың рухани тарихына қарсы жасалған соққы. Бір халықтың санасын мұқатуға, діни тұтастығын мазақ етуге бағытталған аса қауіпті мәлімдеме. Қазақ ежелден мұсылман. Бұл - шежіреден шегеленген ақиқат. "Мұсылман болмағансың" деу - тек дінді емес, тарихты, рухты жоққа шығару. Егер жүректегі иман тірі болса, Баянның сөзі титтей де салмақ салып, жанды түршіктірсе - "Maxi чайды" ішпеңдер. Бойкот жариялаңдар”, - деп жазды Данияр Кенжеұлы.
Желі қолданушылары дінтанушының сөзіне қарсы пікір айтып, Тұрсен Алагөзов пен оның компаниясын қорғап шыққан.
"Сен алдымен 100 адамға пәтер сыйлап көр", "Қыздарды зорлап жатқанда неге бойкот жарияламайсыңдар? Әйелін күйеуі өлтіріп жатқанда ше? Кәсіп баста, адамдарға жұмыс бер, пәтер сыйла", "Жұртқа манипуляция жасап сен де, "Maxi чайдың" не қатысы бар?!" деп жазған олар.