Осы әдістеме бойынша цифрлық теңгені енгізу туралы шешім қабылдайды.
Қазақстанның Ұлттық банк төрағасы Ғалымжан Пірматов елімізде «цифрлық теңгені» енгізуге қатысты түсінік берді, деп хабарлайды Almaty-akshamy.kz ҚазАқпаратқа сілтеме жасап.
«Бастапқыда біздің жоспар бойынша осы жылдың ортасына дейін әдістемені қабылдау ескерілген еді. Осы орайда цифрлық теңгеге қатысты биылдың соңына дейін шешім қабылдаймыз. Сондықтан цирфлық теңгені енгізу мерзімін кейінге шегеру мәселесі қаралып отырған жоқ. Жоспарға сәйкес маусым айының соңына дейін тиісті әдістемені жариялаймыз. Ал жыл соңына дейін осы әдістеме бойынша цифрлық теңгені енгізу туралы шешім қабылдаймыз», - деді Ғалымжан Пірматов елордада өткен баспасөз мәслихатында.
Бұған дейін хабарланғандай, Мемлекет басшысы цифрлық теңге енгізу мәселесін қарастырған жөн екендігін айтқан еді.