Жәндік чикунгунья вирусы, безгек сияқты қатерлі ауруларды тасымалдайды.
ДДҰ мәліметінше, масаның шаққанынан жылына миллиондай адам о дүниелік болады, деп хабарлайды Almaty-akshamy.kz
Осындай зиянына қарамастан, масалар табиғаттағы тепе-теңдікті, экожүйені сақтауда өзіндік рөл атқарады.
Ересек масалар құстардың, жарқанаттардың, бақалардың, өрмекшілердің қорегі. Судағы маса личинкаларын балықтар, басқа да омыртқасыздар жейді.
Масалар басқа жәндіктермен, жануарлармен бірлесіп, экожүйенің тұрақтылығын, кейбір популяцияның санын реттеуге қатысады. Масалар гүлдерді де тозаңдандырады, әрине олар бұл жағынан аралар мен көбелектерге жетпейді.
Масаның личинкалары табиғи су қоймаларындағы органик заттардың шіруіне көмектеседі.
Масаның болуының өзі су экосистемасының ахуалы дұрыс екендігінің белгісі, егер судың сапасы бұзылып, қоршаған орта жағдайы нашарласа, ондай жерде маса болмайды.
Негізі адамдарды масаның ұршағылары ғана шағады. Кейбір адамдарды маса шаққыш келетіні бар, бұл физиологиялық жағдайына, тершеңдікке және басқа сипаттарға байланысты дейді зерттеушілер.
Cell журналында жарияланған зерттеуге сәйкес, терісі карбон қышқылын көп бөлетін адамдарды маса көп шағады екен. Карбон қышқылы – табиғи қосылыс, ол эпидермисті ылғалдандырып, қорғап тұрады.