Масадан қорғану үшін қалай киінген дұрыс?
Вашингтон университетінің бір топ биологы масаларға қызыл, қызғылт-сары және қара түстің реңктері ұнайтынын анықтады, деп хабарлайды Almaty-akshamy.kz Elorda.info-ға сілтеме жасап.
Ал қанатты қансорғыштар жасыл, күлгін, көк және ақ түстің реңктеріне қызықпайтын болып шықты.
Олардан қорғану үшін ғалымдар денені толықтай жауып тұратын киімдер киюге кеңес береді. Өйткені масаларға адам денесінің түсі қызғылт-сары реңкте көрінеді.
Құрбанын іздеп жүрген масалар тек сыртқы түске назар аударып қоймайды. Әуелі олар құрбанның орналасқан жерін ауадағы көмірқышқыл газының шектен тыс артуына қарап анықтайды. Одан соң дененің жылуы мен адам терінің құрамында болатын сүт қышқылының молекулаларына қарап жол ажыратады да, әрі қарай шағатын жерді таңдайды.