Оның балаларының алдындағы қарызы 23 млн теңгеден асқан.
Көлікті сатудан түскен қаржы балаларына берілмек, деп хабарлайды aqshamnews.kz
Жеке сот орындаушы Шымкенттің экс-әкімі Мұрат Әйтеновтің ағасы Марат Әйтеновтің алимент бойынша қарызына байланысты қымбат көлігін тәркіледі.
Астана қаласы жеке сот орындаушыларының өңірлік палатасы таратқан хабарламаға қарағанда, көлік үш балаға алиментті өндіру ісін орындау бойынша айыппұл тұрағына қойылған.
“Аталған автокөлік балалардың алдындағы борышты өтеу үшін электрондық сауда арқылы сатылады” делінген хабарламада.
Көлікті сатудан түскен қаржы балаларына берілмек.
Айыпкердің бұрынғы әйелі Дана Әтешова экс-күйеуі осы көлікті жасырып жүргенін, ол жеке сот орындаушыларының өңірлік палатасымен ауыз жаласқандықтан, одан көлікті алып қою туралы бұйрықты жеткізбей жүргенін желіде айтқан.