Сақтық шарасына мұқият болыңыз!
Алматы қаласы Коммуналдық инфрақұрылымды дамыту басқармасының мамандары қала тұрғындарын сақ болуға шақырды, деп хабарлайды Almaty-akshamy.kz.
«Құрметті алматылықтар!
Синоптиктер жоғары ылғалдылық пен ауа температурасының төмендеуіне байланысты жолдар мен тротуарларда көктайғақ болады деп болжайды.
Жүргізушілерден ара қашықтықты сақтауын, жылдамдықты асырмауын, күрт маневр жасамауын, телефонды қолданбауын сұраймыз.
Мұндай кезде жазғы шиналарды пайдалану қауіпті және жол апатына әкелуі мүмкін екенін естеріңізге саламыз.
Жаяу жүргіншілерден тротуарларда жүргенде абай болуды, шұғыл қажеттіліксіз үйден шықпауды сұраймыз.
Бүгін Алматыда жауын-шашын болмайды, күндіз ауа температурасы – 0... +2 градусқа дейін көтеріледі», - деп ескертті мамандар.