5 қыркүйек күні таңертең Малайзияның Кота-Кинабалу қаласындағы жағажайда суға батып кеткен деп есептелген қазақстандық туристі құтқарушылар іздестіруде.
The Star жергілікті басылымының хабарлауынша, Кота-Кинабалу қаласының өрт сөндіру қызметі құтқару операциясын жүргізуде, оған жеті адам қатысуда. Ер адамның тірі немесе қаза тапқаны әзірге белгісіз, бірақ оның теңізде шомылып жүрген кезде суға батып кеткені туралы күдік бар.
«Туаран өрт сөндіру станциясынан жеті құтқарушыдан тұратын топ оқиға орнына 12 шақырым жерден жетті, олар жергілікті уақыт бойынша 5 қыркүйек, бейсенбі күні таңғы 8:19-да шұғыл қоңырау алған», — деп хабарлайды The Star.
Ер адамның жүзу қабілеті мен оқиғаға не себеп болғаны әлі нақтыланбаған.
Тамыз айының басында Таиландта тағы бір қазақстандық турист қаза тапқан болатын.