Инвестиция ұлғайды: Қазақстанда қанша ірі қара мал басы бар?
Ranking.kz сарапшыларының пікірінше, биыл қаңтар - мамыр айларында мал шаруашылығы саласындағы негізгі капиталға инвестициялар 54,9 млрд теңгені құрады. Бұл құндық мәнде бір жыл бұрынғыға қарағанда 32,1 пайызға артық, деп хабарлайды Almaty-akshamy.kz Elorda.info-ға сілтеме жасап.
Мал шаруашылығы саласындағы күрделі салымдардың негізгі көлемі кәсіпорындардың меншікті қаражаты есебінен қамтамасыз етілді.
Бес айдың қорытындысы бойынша мал шаруашылығының жалпы шығарылымы 1,2 трлн теңгені құрады, бұл бір жыл бұрынғыға қарағанда нақты мәнде 1,4 пайызға артық.
Өңірлік бөліністе ең жоғары көрсеткіштер Алматы облысында тіркелді. Көшбасшылар үштігіне Түркістан облысы және Шығыс Қазақстан облысы кірді.
2022 жылғы 1 маусымда елімізде ірі қара мал басы 10,1 млн басты құрады. Бұл көрсеткіш бір жыл бұрынғыға қарағанда 4,4 пайызға артық.