Асхат Аймағамбетов мемлекеттік стандарт ғылымға негізделуі керектігіне назар аударды.
Мәжілістің Әлеуметтік-мәдени даму комитетінде оқу бағдарламаларының мазмұнын жаңарту жөнінде тақырыптық отырыс өтті, деп хабарлайды aqshamnews.kz
Оқу-ағарту министрлігі Орта білім беру комитетінің төрағасы Қаныбек Жұмашев әр 5-7 жыл сайын оқу бағдарламаларын қайта қарау керектігін айтып, осы бағытта жүргізіліп жатқан жұмыстарға тоқталды.
Жиын барысында депутаттар:
тәрбие жұмысын ұйымдастыру,
бастауыш мектеп оқушыларына орыс тілі пәнінің бағдарламасын жеңілдету,
қазақ тілі грамматикасын біріздендіру,
кітаптардың көлемін бір стандартқа келтіру,
тапсырмаларды балалардың жасына лайықтап беру,
оқушылардың логикалық, цифрлық дағдыларын дамыту секілді мәселені көтерді.
Комитет төрағасы Асхат Аймағамбетов мемлекеттік стандарт ғылымға негізделуі керектігіне назар аударды.
Жаңа бағдарламаны сапалы жүзеге асыру үшін мектептерді, тіпті, білім басқармаларын тікелей министрлікке алу мәселесін бірге қарастыру қажет деді депутат.